關於AI:
1. 其實每次發行乜乜晶片都話行快左幾多倍,好懷疑只係將舊野減速,好似5G,買個通行證會員,過路錢,才能保持不比人慢,比下去。AI晶片賣咁貴係水份高,仲有人想趁機整AI電腦。
笑位: 就好似防毒軟件最多毒。
2. 其實AI係收集左大數據(大家用開的云端,ICLOUD內容通通UPLOAD晒上云端SERVER),DATA相當多,AI只做收集,篩選,比對,排列及總結之類。
笑位: INTERNET就係自投羅網式沉迷,乜都UPLOAD晒上網。
關於阿里巴巴
3. 最近菜鳥物流終止來港上市,但過2日又聽到話將用火箭送貨,1小時送達全世界。
笑位: 覺得應該係用無人機送貨先做到,但淘寶貨是海量。
4. 最近唔同國家商店都開始可以用支付寶付款。
笑位: 令人覺得多左張DEBIT CARD。
關於垃圾徵費
5. 覺得平時無帶購物袋買野要俾錢買膠袋,果個膠袋竟然不可再用,邊忽環保? 平時D管理費已包括左清潔阿姐O既清潔費,佢O地先係保持環境清潔O既主要人物,覺得夾硬整D細細個又易穿O既膠袋俾人裝垃圾,不如直接加少少管理費,再由業主立案法團去交垃圾稅仲直接。
笑位: 段估清潔阿姐會買最大果款垃圾袋,包養大家。
關於海洋公園
6. 最近有小王子80周年D佈置,唔知點解個個影O既相都唔同佈置,唔通打游擊? 有冇拎版權?
笑位: 姜濤仲諗住包場搞生日,有冇諗過內地旅行團BOOKING,當日生日O既人同小學旅行O既學生感受。
關於夜繽紛
7. 終於都識得玩下燈,煙花
笑位: 又俾人話窮遊光蛋,靈堂,墓碑
PS: 煙花好期待
關於公屋
8. 最近政府打擊公屋富戶密密出手,先有打擊香港另有物業人士,再趕走D新住冇耐就買名車富戶,現在又要求內地及海外無物業(D祖屋點計)
笑位: 今個復活節假有成300萬人次出入境,唔通個個趕返去賣樓(果然一半人住公屋),難怪內房又跌(碧桂園仲停埋牌)