2023年9月9日星期六

生活逼人的香港人

 香港現時人口有成741萬人,人口太多,搵工難,冇樓住,買唔起。呢幾年有成十幾廿萬人移民外國生活,但有些因生活不適應,難搵工作,有些更是離譜的用假學歷,種種原因需要回流返港。另外,政府推什麼搶人才,所以最新統計數字,香港人口是不跌反升。


香港現在大約有320萬個住宅單位,其中有180萬個是私人單位,另外大約140萬個公居屋單位,是6:4,估不到公屋佔成40%咁多。成日話大陸人想移民黎香港拎著數,真的,大陸人在上海、深圳等地方人工都只是2千幾人仔。黎香港搵到o既錢仲夠佢o地寄返鄉下幫補家計。有好多係靠嫁香港男人來港生活,不工作拎綜援2,3千,有公屋住,都好似比鄉下生活好(但其實住o既地方細好多,未上公屋時要捱住劏房,綜援都不夠交租吧,無啖好食。) 


有d有米o既大陸人,可能是賣了鄉下塊田,鄉下塊地,拎d錢黎香港買樓,是初期的投資移民。不過有d只係隔山買牛(沒有移民香港),大陸內房如此慘烈,他們需要應急錢,有些人會沽了香港的樓。有些人移民來了香港,是為了香港本passport,自由度比大陸果本高,方便佢o地日後再移民去加拿大,美國等人工更高的地方。


之前政府一直嗌d香港人返大灣區住,大灣區租平d冇錯,但又唔係keep到香港人工,如果將大灣區當埋香港一部分,法律、權利跟香港,隨時變成一個新元朗國。如果用香港人工請大灣區人,唔駛點叫人去住,大把大陸人唔移民香港,選擇大灣區生活。


最奇怪之前政府請左一大堆話自己年薪過200萬o既專才來港(搶人才),究竟有冇一d係假學歷、假證明o既渾水摸魚來港? 如果我是一個已經拎開200萬以上年薪o既人,我就唔多夠膽放棄高人工去第2度做開荒牛。(可能比卡超自己拎開45萬一個月人工,200萬年薪佢唔覺得多)十優麥明思做tvb同文員時估計都拎緊萬幾2萬蚊人工,最近聽到佢做教育顧問先多返d錢,補習天王級數先拎百萬年薪,所以要求拎200萬,會不會太多? 


有一樣都好離譜,就係比卡超一上任就請左大堆高官,加一大班副局長,關門會議圍威喂。有一樣更奇怪,一上任就討論加公務員人工,要抗通脹,加幾個%,但高官可以就咁每人提升十幾廿萬一個月,o咀。


另外,最近失業率咁高,大陸更是驚到不敢再公佈,香港政府是不是盲了,還是用了假數據騙到自己。竟然仲要求輸入外勞?? 仲要包佢o地拎香港中位數2萬以上人工加包佢o地住宿,但只是請一些低技術工種,呢d野點解唔可以包香港人??大把人爭住做。


最奇怪香港之前派錢派得太過多,外匯基金又不生性,想搵個錢挖下砂都冇。

所以政府要靠密密抄牛肉乾、亂過馬路,徵垃圾袋費,發銀債,發綠債等,最離譜用$2蚊搭車要坐監,因為佢o地要補貼原價車資俾車公司,所以又燒錢就嬲。但又有錢補貼外勞住宿??定波叔想保證自己d劏房有人住?


其實香港好多老闆都靠申請乜乜創業基金、科技券,院舍資助,ngo不用報稅,好多都靠呢d出糧,有d科技券果d直情明呃,交罐頭野作品回應,用最少成本,其餘資助就淨袋,根本就冇乜點請員工研究新科技,所以香港創科冇乜進步過,成日俾人覺得停留起某一年。不過最近好多呢d公司都俾人拉呃錢,比卡超警察出身,比較重法治。或者罰佢o地錢都係增加庫房收入o既方法。

2023年9月4日星期一

X-File 奇怪事件簿16

 1. 上次講到透過觀察動物,大約知道佢O地發出O既聲音係代表講左咩說話,做統計,比對,就能得出結果。如果整隻AI機械貓狗,去教D貓貓狗狗,由BB貓狗開始教佢O地講人話,佢O地係咪一樣可以好似白紙咁吸收??腦容量夠佢O地用嗎?

笑位: 想要隻多啦A夢,但包唔包個百寶袋。


2. 上次聽到有單放生礦泉水O既事,因為上善若水,水利眾生而不爭。水真的很好,飲水能維持生命,多飲水能醫百病。

笑位: 所以中國、日本呢D長年飲用茶水國家O既人較長命。


3. 上次講到開始有人睇下月球有冇水,覺得很難會有吧。地球一堆漬水過一排就滋生左蚊出黎。

笑位: 如果有水,應該有大量月球人住緊吧。


4. 如果去到月球整個池水,植下樹咁,會唔會變左另一個地球? 佢O地點解要用咩地質探測儀? 

笑位: 點解又唔會好似圍地球咁射D衛星去月球觀察?


5. 神能創造萬物,而且人類面容可以不重複,這是造物主的神奇。但用AI精準O既數學計算,係將人類面部特徵O既每一個元素,通過計算機會率,組合O既可能性,得出一個很大的數字,SET它做不重複,所以才會顯得每次結果都不同,獨一無二的效果。

笑位: 所以AI被創造出來創造野,而他們會學習,只是大數據結果。

2023年8月24日星期四

X-File 奇怪事件簿15

 1. 以前細個在證券行溜連,隔離店有家養烏鴉的店,好多人貪得意教d烏鴉講粗口,d烏鴉仲會帶壞其他烏鴉,粗口橫飛。

笑位: 金融風暴之後要殺雀,失控。


2. 最近科學家用紅外線+觀察野生鱷魚的日常活動,求偶,搵野食,真係實現到讀心師。

笑位: 自養o既就唔得啦,冇得揀。


3. 最近日本好離譜,可能個股市一好就任性,竟然真係用核武,放核廢水落大海,仲話放足30年,目的係防止d人食用海產,以前佢o地打杖發明左食魚生同杯麵,依家又驚d人可以靠食魚生維生。

笑位: 全部魚變晒觀賞魚,應該d魚可以長命百歲至下世紀。


4. 最近香港有個m+,果條千人村o既泥公仔竟然有千個樣,但冇眼珠,咀唇真的能千個樣嗎?

笑位: 原來係nft概念。


5. 前排去睇下d圖書,見到朱羅紀越黎越複雜,有飛魚,有極細恐龍。

笑位: 見到d化石骨頭似係石膏做。


6. 最近印度話射左火箭去月球南極。仲只係6億,做價可能越黎越平。金仔同俄羅斯又再射火箭失敗。

笑位: 月球應該冇水份,應該係水泥做。


7. 最近世界各地有波點女皇d展覽,所有波點patten佢拎左專利?

笑位: 鬼滅都學佢霸返個格仔patten。


8. 最近聽到金磚5國加左新成員,佢o地有討論過整新貨幣。

笑位: 美金霸權係令所有其他幣都貶左值.....但香港應該跟邊個rate?


9. 最近西九可以做街頭表演,應該冇咁阻街,但人流夠唔夠?

笑位: 果度可以野餐,可能平時都有人表演。


10. 最近美國借左d武器俾波蘭打白俄羅斯,可能俄羅斯同烏克蘭都已經傷亡慘重,其實呢d國家人口都少d,俄羅斯雖然版圖大,但比較凍,少d人住。美國又係個股市好出事,用錢買武器俾人打杖。

笑位: 其實美國自己人口都唔太多,等其他人打到傷晒,佢係咪漁人得利?

2023年8月18日星期五

X-File 奇怪事件簿14

 1. 最近俄羅斯叫外地僑包返翻去該國,睇黎打杖時間太長,訓練有素O既兵唔係死左就已經係傷兵同好攰了,該國可以上戰埸O既人口唔夠,所以急叫外地僑包返去幫手。之前都發生過叛變,不過半日又平息到。佢O地為左發下威嚇下人,打打下杖又無啦啦走去射下火箭。

最奇怪,另一邊北韓不停咁試射火箭,但真係射極都射唔出去。佢O地都覺得應該離不開地球,但人口又越黎越多,要搵地方俾人民住。

笑位: 唔夠住,去唔到太空搵地,就話用核武,炸左其他國家O既地方,然後留俾自己人民住,暫時都係嚇下人先。


2. 印度依家係全球人口最多國家,但仲係好落後,女人地位好低,大量男性人口,有D地方仲係用公開式廁所,即係多數為男人廁所,女人都係用月經杯去廁所。

笑位: 開大同黎M點算?


3. 最近又有一架泰坦號潛艇失左蹤,又係鐵達尼號果個位,已經係第33次有潛艇消失。

笑位: 係咪去左結界?


4. 香港最近研究搞夜市,本以為係令酒吧興旺D,多D夜生活,消費多D,但政府又應該唔鼓勵飲酒。所以改為類似台灣的小販式夜市。但其實比較熱鬧O既地方都係旺角果個位。或者改左花園街、女人街D小販檔,改成小食檔?或者恢復旺角行人專用區,熱鬧D。

笑位: 但其他附近有鋪位,有冷氣O既店主咪會不滿? 定其實冇乜可以做,等人仔升返D大陸人又會黎?


5. 最近TWITTER改名為X,連隻雀仔都改埋,咁奇怪,雀仔代表自由發言O既地方。個X係代表咩?古靈精怪,未知的宇宙內容? 不過呢個名個SEO一定好差,但個個都用APP又冇問題。FACEBOOK之前都霸左META,元宇宙黎用,但其實佢當時知唔知咩係元宇宙?

笑位: X同THREADS打晒擂台咁,但覺得冇乜人睇。


2023年7月14日星期五

X-File 奇怪事件簿13

 1. 上次講到腦電波,大腦可以控制我地既聲帶震動,用Ai做比對,分析,得出一組獨有既聲紋。所以最近見到有個失聲的人,被切斷聲帶,仍然能夠用呢種Ai技術去幫佢再做返一把人聲出黎,雖然未必同原本把聲一樣,因為事前冇收集聲紋。另外天生聾啞人士都未必得,佢哋原本無一套自己既聲紋,但佢哋可以打字,利用某人聲紋發出聲音,但聽力問題就難搞啲。

笑位:就好似霍金咁後天四肢殘廢及發不到聲,但啲人都知佢諗緊乜。


2. 地球上寶貴既資源,可能有一日會用完。但射去太空既衛星係可以無限能源?點解有無限能源唔轉晒去用?咁點解Tesla要差電?(你唔好同我講賣多啲不同model,學iPhone每次進步少少,長賺長有)

現時唯一諗到既無限能源都係得太陽能,但都要靠有陽光既時候儲電備用,萬一去左無光既地方,又唔夠能源。

笑位:衛星係咩原理浮磁起地球上空,無電時係咪會變太空垃圾?大陸近年密密射火箭。


3. 大陸某個小區已經在測試無人機及電動飛車。小區是低密度,矮小的房屋,可能是別墅或渡假屋區,好快就有電動飛車賣。

笑位:究竟去邊度考電動飛車牌?要簽生死狀?


4. 好幾年前外國有地面式機械人外賣送餐,不過路面情況太難掌握(唔通cctv住去搖控?仲難控制),見到香港有啲餐廳同酒店都用到,只能短距離。近排聽到外國同大陸都開始用無人機送餐,大陸世界之窗可以用無人機送餐,放到儲物櫃去取餐,咁又幾好,去主題樂園多啲選擇。

笑位:主題樂園收入來源咪會減少?票價上升?但有機吸引多啲人入場都唔定,世界之窗係咁諗。


5. 最近聽到一單91歲婆婆大肚既事,發生在內地。懷胎超過60年,個胎仲要係完整,發育成胚胎,有手腳及骨骼。婆婆因為當年跌倒,個bb死咗起肚度,佢因為無錢做手術拎返個死胎出嚟,就咁由得佢都得….

笑位:點解60年黎無人見到佢個胎,無好心人幫手,佢四代同堂都冇一個出得起錢咩?最奇怪佢個死胎係大毒瘤,婆婆身體仲可以健康咁生活,唔會阻到佢搵食咩?

2022年10月9日星期日

香港人識得變魔術?!

 香港人識得變魔術?!


香港之所以長期以黎都係國際金融中心,係因為香港的地理位置非常之好,要做貿易,就要靠良好o既貨運物流業。

印度人口雖然最多,但比較落後。中國是全球第2多人口,而且國家開始富強起來。

好多中國人想賺錢,做工廠,會試在阿里巴巴、淘寶開公司,加上集運物流發展成熟(一次過買超過一間淘寶店的東西),可以賣向全球。香港同大陸之間只隔一個關口,所以貨品賣去香港,香港人再轉口去外國,長期以來香港做住轉口港的角色。無論是大陸經陸路運貨來港,或香港人做代購之類返大陸,地理位置一定好過新加坡同台灣好多。

另外,香港又近海,可以用船運,價錢又平過深圳之類用空運,主要在中間位置,就算運去其他亞洲地區,時間都唔會太耐,可以運到新鮮的野。


講返金融....一聽到有北水買貨.....即係基金買貨......一聽到放水,即係國家有政策引人借多d錢黎買貨,又可以叫國家隊買貨。其實中國時時有救市,托市o既動作,只係中國人同香港人用左富途之後,習慣性去左買美股(因為美股機乎24小時都可以交易到,盤前盤後都買得到),所以之前2015年富途本來都係私募基金形式開始搞起,好多錢就咁去晒投資美股。

其實美股依家都好chok,唔再係以前傻傻地信價值投資,一直買起晒d美股,投資晒d錢去美國公司,俾佢o地發展.....如果中國人同香港人識得將d錢拎返黎買A股同港股,d股咪識升,咪托得起個市,先可以學人用價值投資o既玩法。


另外,香港要到2007年先有光籤上網,先可以睇住個圖表黎炒市,在之前2000年左右 d人炒係用寬頻成日lag機同d股價係延遲15mins,唔係真係咁多人會買大利市機,當年d pda都先岩岩有,冇3g上網,點會有人炒到個市,所以好多炒股老手都係吹水。交易量不足唔容易控制。

香港到依家仲未有一間即時免費串流報價o既公司,以前曾經出現過3x網站,但唔知可信度足唔足,冇人長時間比對住邊個價出先.....依家好多香港人一直睇o既ig.com係新加坡搞的,佢o地o個d價永遠有出入,收市、公眾假期都會有市.....而且login左之後係獨立website link,所以覺得炒呢d都係俾人控制住,好多人都起d指標位會俾人夾,所以覺得睇住個ig,可能就一直要follow人地個市。

所以覺得整呢d指數網o既公司有機會可以干預到市場。


香港人又鍾意刀仔鋸大樹,會買牛熊窩輪呢d 衍生工具,其實係外國投資銀行(發行商)搞出黎呃香港人錢o既野,基本上買大小一樣,投資銀行就係咁賺到香港人錢,佢o地賺完或者會投資返港股....真的嗎?


或者學美國無限QE,樂觀D。



X-File 奇怪事件簿12

  X-File 奇怪事件簿12

1. 前排香港出現了全港市民隔空討論情況,其實也不能確認是否只有香港人這樣,好似大陸同外國人都知道。

其實這樣隔空討論,是利用腦電波,加上聲紋可以聽到聲音。

腦電波經科學家長期觀察,用天眼影低當時做緊乜,乜情緒之類,做晒record,整成一個database,可能是個人或大部份人適用o既database,再用AI做分析比對,就會知道o個個人當時做緊乜,乜情緒。呢d其實係大數據分析。

再加上香港市民好多人生活習慣差唔多,所以好易就會對號入座。

笑位: 所以當時0+3係突然加快左推行,因為大家都想快d復原。


2. 至於聲紋,把聲強弱度,聲調,語氣,停頓位之類都係經過收集大量記錄,數據,可以整得返果把聲出黎。

其實唱k,係模訪緊歌手唱腔,即係佢果套聲紋,主要唱o既果堆歌詞內容一樣,就會俾人覺得模訪得幾似。

笑位: 所以猜猜我是誰的人,走黎認親認戚到,係因為你對號入座左對方o既background係你識o既人,好多社交平台的假acct都有呢d問題,可能會問你或你朋友借錢。


3. 另外,隔空檢查我都試過,我在密室房間(入面上左鎖),我好似唔知太眼訓定暈左,我眼睜不開....之後隔空有藍光電筒檢查我2隻眼,睇下我死未?? 之後藍光燈變左白光燈射向我左眼,然後我睜開了眼,房中只有我一個人。

笑位: 我個雪櫃微微打開了隻門,我點會唔記得關雪櫃???唔通想推遲我o既死亡時間??


4. 最近elon musk都話自己upload左自己個大腦上網,佢可以同自己傾計。

笑位: 成件事好獨....


5. 最近俄烏仲打緊杖,美國又借左大量武器俾烏克蘭,佢o地打杖,搞到震動地殼,多處地方都出現左地震。之後大家又靠嚇話打核戰,俄羅斯仲買晒碘片俾市民食,防幅射.....

核武雖然係做成大量幅射.....但係會好似微波爐咁加熱,加壓。

笑位: 一個核蛋射落黎,乜都炸爛晒啦,食碘片真的有用??