2018年4月15日星期日

2015.9.10-16京阪神奈七天之旅

2015.9.10-16京阪神奈七天之旅

7月尾見hkexpress出78蚊平機票,又心動!! 即刻搵埋朋友一齊去玩。
去程買左共20kg,回程買左共40kg,但去時得15kg,返來先得25kg,因為今次冇乜行街買野,行李預得太多,浪費了,機票每人約hkd1000。

我book酒店時都冇乜選擇了,好彩朋友同我一樣覺得酒店係沖涼訓教,冇乜要求,所以我就book cheap cheap酒店~~

(10/9) DAY1: 日本時間18:00點幾到機場,過關打晒蛇餅,取行李後去JR票站買環球影城飛(指定日子),再買埋ICOCA & HARUKA單程套票,今日先去京都站,到京都塔前面影下相,去搵巴士,點知搭錯方向,我都唔知點解唔去望清楚先上車,浪費時間同車錢....回酒店太夜,求其買D野返酒店食。

(11/9) DAY2: 今日去伏見影千本鳥居->清水寺->花見小路->八坂神社
今日買左巴士1 DAY PASS,仲勁慳錢咁食左酒店提供既SET DINNER.....

(12/9) DAY3: 今日去神戶,拖住行李去STEAK LAND食神戶牛,11:00左右到,樓下已經坐滿人,我O地上左樓上,行李佢O地KEEP住先,SET LUNCH神戶牛都係3千YEN頭,入口即溶的神戶牛好好味~~之後去有馬溫泉站的酒店CHECK IN,去溫泉街浸腳,浸浸下上APPLE網搶IPHONE 6S PLUS,之後去附近溫泉街行下食下。晚上去浸溫泉,只是浸左一陣,D水成42-44度,熱到暈暈地。今日都幾HEA,踢住拖周圍行下。

(13/9) DAY4: 今日落大阪,但好似又搭錯巴士,搞左一輪之後終於都去到大阪的酒店,先KEEP行李,晚上才CHECK IN。今日去大阪城,上年打風去唔到,今次去返,但今次晒到爆,其實都係行個圈,之後出返黑門市場、心齋橋果D行下,食下野。買左個半熟蛋糕返酒店食。

(14/9) DAY5: 今日去環球影城,一出站人多到嚇死人!!好彩買定飛直接入場。一入去就去抽哈利波特的整理券,我們抽到10:30先有得入場,於是去周圍行下影下相先。玩每個遊戲都要排個半鐘,排到勁眼訓,但玩得幾分鐘,玩左哈利2個GAMES, 大白鯊、睇水世界表演、蜘蛛俠、向後的過山車,大約8:00就走了去搵野食。

(15/9) DAY6: 今日出發去奈良時落樓梯差錯腳搞到拗柴,好彩我身上有止痛藥,食返粒頂住,又唔算太痛,照去奈良玩鹿。本來晚上去梅田,但我唔想行咁多,結果最後掃貨機會都冇埋,今次旅程買得好少野。去左超市買野返酒店食。
(16/9) DAY7: 今日食埋個早餐就出發去機場,又以為搭錯車,落車再搭,搞左一輪,原來本來就O岩,只係自己太驚死,多左幾多站要停而已,最後都順順利利回到香港。

今次旅程真係天公造美,出發前一日仲打緊雙颱風,有雨,我O地全程都好好天,冇落過雨,遮用黎遮太陽而已。

沒有留言:

發佈留言